Epaper
काठमाडौ, आज पनि प्रतिनिधिसभा बैठक बस्दै छ । संघीय संसद भवन नयाँ वानेश्वरमा बिहान ११ बजे बैठक बस्न लागेको हो ।
आजको बैठकमा प्रतिनिधिसभा सदस्यहरूले बजेटबारे सोधेको प्रश्नको प्रधानमन्त्री पुष्पकमल दाहालले जवाफ दिने कार्यसूची रहेको छ ।
संसद् सचिवालयका अनुसार बैठकमा विनियोजन विधेयक २०८० को विभिन्न शीर्षकहरूमाथिको छलफल अन्तर्गत आज चार वटा मन्त्रालयसँग सम्बन्धित बजेटमाथि पनि छलफल हुनेछ ।
संस्कृति, पर्यटन, तथा नागरिक उड्डयन मन्त्रालय, गृह मन्त्रालय, रक्षा मन्त्रालयसहित प्रधानमन्त्री तथा मन्त्री परिषद्को कार्यालय, राष्ट्रिय योजना आयोगको सचिवालयले, राष्ट्रपति कार्यालय एवं उपराष्ट्रपतिको कार्यालयका बजेट शीर्षकमाथि छलफल आजको बैठकमा हुन लागेको हो ।
प्रकाशित मिति : २०८० असार ८, शुक्रबार गते
