देशका धेरै स्थानमा वर्षा र तराईमा हावाहुरीको सम्भावना छ, सतर्कता अपनाउन आग्रह


काठमाडौ, देशमा मनसुनी वायुको प्रभाव रहेको छ । आज बिहान देशभर मौसम आंशिकदेखि सामान्य बदली भएको छ । केही स्थानमा भने वर्षा भइरहेको मौसम पूर्वानुमान महाशाखाले जनाएको छ ।

अहिले कोशी प्रदेशका थोरै स्थान तथा बागमती, गण्डकी, कर्णाली र सुदूरपश्चिम प्रदेशका एक दुई स्थानमा वर्षा भइरहेको मौसमविद् रोजन लामिछानेले जानकारी दिए ।

आज दिउँसो कोशी, बागमती, गण्डकी र लुम्बिनी प्रदेशका केही स्थान तथा बाँकी प्रदेशका थोरै स्थानमा मेघगर्जनरचट्याङसहित हल्कादेखि मध्यम वर्षाको सम्भावना रहेको छ ।

यस्तै, दिउँसो मधेश प्रदेशलगायत बागमती, गण्डकी र लुम्बिनी प्रदेशका तराईका धेरै स्थान तथा बाँकी प्रदेशका तराईका एकरदुई स्थानमा हावाहुरीको समेत सम्भावना महाशाखाले जनाएको छ ।

आज राति कोशी, बागमती, गण्डकी र सुदूरपश्चिम प्रदेशका केही स्थान तथा बाँकी प्रदेशका थोरै स्थानमा मेघगर्जनरचट्याङसहित हल्कादेखि मध्यम वर्षाको सम्भावना छ ।

यस्तै, गण्डकी र लुम्बिनी प्रदेशका तराईका धेरै तथा बाँकी प्रदेशका तराईका थोरै स्थानमा हावाहुरी चल्ने सम्भावना पनि रहेको महाशाखाले जनाएको छ ।

भारी वर्षा, मेघगर्जनरचट्याङ र हावाहुरीका कारण हुनसक्ने जोखिम वा क्षतिबाट जोगिन आवश्यक सतर्कता अपनाउन पनि महाशाखाले अनुरोध गरेको छ ।


प्रकाशित मिति : २०८० असार १३, बुधबार गते

धेरै पढिएको

ताजा समाचार