Epaper
काठमाडौ, व्यवसायी दुर्गा प्रसाईंले सांसद सुनील शर्मालाई नेपाली कांग्रेसका सभापति शेरबहादुर देउवाले फसाएको आरोप लगाएका छन् ।
बिहीबार सुनील शर्मा पक्राउ परेपछि सञ्चारकर्मीसँग कुराकानी गर्दै उनले देउवा र अर्थमन्त्री डा.प्रकाशशरण महतले नियोजित रूपमै शर्मालाई फसाएको आरोप लगाएका हुन् ।
उनले भने,‘सुनील शर्मालाई फसाउन शेरबहादुर देउवा पनि मिल्नुभएको छ । अर्थमन्त्रीको पूरा हात छ ।
म अर्थमन्त्रीलाई के भन्छु भने सुनील शर्माको मुख थुनेर केही हुनेवाला छैन । मीनबहादुरजस्ता, दुर्गा प्रसाईंजस्ता मानिस धेरै छन् ।’
उनले मारवाडीसँग सहकार्य गरेर तस्करी गर्ने र नेपाली व्यापारीलाई देशबाट खेद्ने रणनीतिमा नेपाली कांग्रेस रहेको जिकिर गरे ।
सिआइबीले सांसद शर्मालाई शैक्षिक प्रमाणपत्र छानबिनका लागि आजै पक्राउ गरेको थियो ।
प्रकाशित मिति : २०८० श्रावण २६, शुक्रबार गते
