Epaper
बैतडीका एक युवक सेती नदीमा नुहाउने क्रममा बेपत्ता भएका छन् । जिल्लाको दशरथचन्द नगरपालिका–२ देहीमाण्डौंका करिब २२ वर्षीय दिपक बोहरा बेपत्ता भएका हुन् ।
उहाँ दिपायल सिलिगुढी नगरपालिका–५ घोलतडास्थित सेती नदीमा नुहाउने क्रममा बेपत्ता हुनुभएको हो । बोहरा सोही स्थानस्थित क्याब दुनिला क्रसर कम्पनीमा काम गर्दै आउनुभएको थियो ।
बेपत्ता बोहराको खोजीका लागि नेपाल प्रहरीका ८ र सशस्त्र प्रहरी बलका १३ गरी २१ जनाको टोली परिचालन गरिएको जिल्ला प्रहरी कार्यालय डोटीले जनाएको छ ।
प्रकाशित मिति : २०८३ बैशाख ९, बुधबार गते
