हालान्डको निर्णायक गोलमा सिटी विजयी: बुधबार राति के के भयो त् च्याम्पियन्स लिगमा ?


एर्लिङ हालान्डले निर्णायक गोल गरेपछि म्यानचेस्टर सिटीले च्याम्पियन्स लिगमा आरबी लाइपजिङलाई ३–२ ले पराजित गरेको छ।

जर्मनीमा बुधबार राति भएको प्रतिस्पर्धात्मक खेलमा सिटीले दुईपटकको बराबरीपछि ७८औं मिनेटमा हालान्डको गोलमा जित पक्का गरेको हो। यससँगै सिटीले च्याम्पियन्स लिगमा महत्वपूर्ण ३ अंक जोडेको छ।

खेलमा सिटीले सुरुवाती अग्रता उपहारमा पाएको थियो। २८औं मिनेटमा लाइपजिङका डिफेन्डर कास्टेलो लुकेबाले निको ओरेलीको क्रस क्लियर गर्ने क्रममा आफ्नै पोस्टमा गोल गरेपछि सिटीले अग्रता बनायो।

तर दोस्रो हाफ सुरु भएको केही समयमै रिड्ले बाकुले गोल गर्दै लाइपजिङलाई बराबरीमा ल्याए।

५७औं मिनेटमा एन्जो फर्नान्डेजले हेडरमार्फत गोल गरेपछि सिटीले पुनः अग्रता लियो। तर त्यसको तीन मिनेटपछि नै एन्टोनियो नुसाले उत्कृष्ट प्रहारमा गोल गर्दै खेल २–२ को बराबरीमा पुर्‍याए।

खेलको ७८औं मिनेटमा इलियट एन्डरसनको क्रसमा हालान्डले गोल गर्दै सिटीलाई जित दिलाए।

लाइपजिङविरुद्ध हालान्डको गोल गर्ने प्रभावशाली लय पनि कायम रह्यो। उनले जर्मन टोलीविरुद्ध पछिल्ला नौ खेलमा १३ गोल गरिसकेका छन्।

 

च्याम्पियन्स लिगमा बुधबारको नतिजा 

एइके एथेन्स २–३ रियल म्याड्रिड

फेनरबाच्चे ३–२ लिभरपुल

बोरुसिया डर्टमन्ड २–१ रियल बेटिस

पोर्टो ४–१ नापोली

पिएसभी १–२ क्लब ब्रुग

आरबी लाइपजिङ २–३ म्यानचेस्टर सिटी

लेन्स १–९ कोमो

स्लाभिया प्राग १–२ आर्सनल

भाइकिङ ४–१ साबाह
IMG_4234-1793847996.jpeg


प्रकाशित मिति : २०८३ कार्तिक २०, बिहीबार गते

धेरै पढिएको

ताजा समाचार