काठमाडौँ । साताको अन्तिम कारोबार दिन बिहीबार धितोपत्र बजार (नेप्से) परिसूचकमा उत्साहजनक वृद्धि देखिएको छ । बिहीबार नेप्से परिसूचक २७.१९ अंक ले बढेर २७०८.७० को विन्दुमा पुगेर बन्द भएको छ ।

आज बजारमा कारोबार रकमले पनि नयाँ उचाइ लिएको छ । दिनभर कुल ३२६ कम्पनीका ३ करोड ५५ लाख ७४ हजार ६२७ कित्ता सेयर किनबेच हुँदा ११ अर्ब ५८ करोड २८ लाख ९३ हजार ८०० रुपैयाँ बराबरको कारोबार भएको छ ।

आजको बजारमा कुल २०१ कम्पनीको सेयर मूल्यमा वृद्धि भएको छ भने ५५ कम्पनीको मूल्य घटेको छ । ४ कम्पनीको मूल्य भने स्थिर रहेको छ ।

आज पाँचवटा कम्पनीको सेयर मूल्यमा उच्च गिरावट देखिएको छ । कालिञ्चोक दर्शन लिमिटेड, सुपर माई हाइड्रोपावर र मोदी इनर्जीको मूल्य ठ्याक्कै १० प्रतिशतले बढेको छ । त्यस्तै, रिडी पावरको ९.९७ प्रतिशत र खानिखोला हाइड्रोपावरको ९.९६ प्रतिशतले मूल्य बढेको छ ।

कारोबार रकमका आधारमा आज युनियन हाइड्रोपावर लिमिटेड शीर्ष स्थानमा रह्यो । यस कम्पनीको ५८ करोड ७७ लाख रुपैयाँ बराबरको सेयर किनबेच भयो । त्यसैगरी राधी विद्युत् कम्पनीको ५७ करोड ५० लाख, एसवाई प्यानलको ५३ करोड ७४ लाख, आँखुखोला जलविद्युतको ४० करोड ५५ लाख र एनआरएन इन्फ्रास्ट्रक्चर को ३८ करोड ६८ लाख रुपैयाँको कारोबार भएको छ ।

आजको कारोबारपछि कुल बजार पुँजीकरण ४५ खर्ब ४७ अर्ब ९७ करोड रुपैयाँ पुगेको छ भने फ्लोट मार्केट क्यापिटलाइजेशन १५ खर्ब ४८ अर्ब २२ करोड रुपैयाँ रहेको छ ।