Epaper
काठमाडौ, स्रोत नखुलेको रकमसहित एकजना पक्राउ परेका छन् । पक्राउ पर्नेमा मनाङको ङिस्याङ गाउँपालिका घर भएका ३० वर्षीय कर्मा ल्हामो गुरुङ रहेका छन् ।
उनलाई जिल्ला प्रहरी परिसर काठमाडौंको टोलीले काठमाडौं महानगरपालिका–६ बौद्ध फूलबारीस्थित हिमालयन हस्तकला नाम गरेको पसलबाट स्रोत नखुलेको रकमसहित मंगलबार पक्राउ गरेको हो ।
जिल्ला प्रहरी परिसर काठमाडौंका प्रवक्ता, प्रहरी उपरीक्षक सीताराम रिजालले ३३ लाख ५० हजार हुण्डीको रकमसहित गुरुङलाई पक्राउ गरेको जानकारी दिए ।
रकमबारे अनुसन्धान भइरहेको प्रवक्ता रिजालले जानकारी दिए ।
प्रकाशित मिति : २०८० असार ६, बुधबार गते
