Epaper
काठमाडौं, कालीमाटीस्थित तरकारी बजारमा किसानले गोलभेंडा सडकमा फालेर विरोध प्रदर्शन गरेका छन्। उचित मूल्य नपाएपछि किसानले गोलभेंडा सडकमा फालेका हुन्।
विरोधमा उत्रिएका एक किसानका अनुसार अहिले गोलभेंडा प्रतिकिलो ८ रुपैयाँमा बिक्री भइरहेको छ। एक क्रेट गोलभेंडा बेच्दा सय रुपैयाँ पनि नआएसी उनीहरू आन्दोलित भएका हुन् ।
कालीमाटी तरकारी बजारको गोदाममा रहेको १५ टनभन्दा बढी गोलभेंडा आज सडकमा फालिने किसानले बताएका छन्।
अझै पनि सरकारले गोलभेंडालगायत अन्य तरकारीको सुहाउँदो मूल्य नतोके अब माइतीघर र सिंहदरबार अगाडि फालेर विरोध गर्ने उनीहरूले चेतावनी दिएका छन्।
प्रकाशित मिति : २०८० असार ३, आईतवार गते
