काठमाडौं, जगदम्बा स्टील्स लिमिटेडसँगको साझेदारीमा ग्रिल तथा स्टिल फेब्रिकेटर्स महासंघ नेपालले २८औं वार्षिक साधारणसभा सम्पन्न गरेको छ ।

२१ वैशाखमा आयोजित साधारणसभाको उद्घाटन उपराष्ट्रपति रामसहायप्रसाद यादवले गरेका थिए ।

उपराष्ट्रपति यादवले नेपालमा स्टिल फ्याब्रिकसन उद्योगको विकास र विकासमा महासंघ र यसका सदस्यहरूले पुर्याटएको योगदानको प्रशंसा गरेका थिए ।

कार्यक्रमलाई सम्बोधन गर्दै महासंघका अध्यक्ष मोहन कटुवाल र जगदम्बा स्टिल्सका महाप्रबन्धक मनोज तिवारीले नेपालमा स्टिल फ्याब्रिकसन उद्योगको महत्व, यसको विकास र प्रवर्द्धनमा महासंघको भूमिकाबारे प्रकाश पारेका थिए ।

महाप्रबन्धक तिवारीले यस कार्यक्रममा साझेदार बन्ने अवसर प्रदान गरेकोमा महासंघप्रति कृतज्ञता व्यक्त गर्दै उद्योगका सरोकारवालाहरूलाई एकसाथ ल्याउन, सहकार्य र सिकाइलाई बढावा दिन यस्ता कार्यक्रमहरूको महत्त्वपूर्ण भूमिका रहेको बताए ।

कार्यक्रमले उद्योग विशेषज्ञ, व्यवसायी नेता र सरकारी अधिकारीहरुलाई एकसाथ आउन, विचारहरू आदानप्रदान गर्न, उत्कृष्ट अभ्यासहरू साझा गर्नका साथै उद्योगले सामना गरिरहेका चुनौतीहरूको बारेमा पनि छलफल भएको महासंघले जनाएको छ ।

९औं राष्ट्रिय सम्मेलन तथा २९औं स्थापना दिवसको अवसर समेत पारेर आयोजना गरिएको वार्षिक साधारणसभामा जगदम्बा स्टिल्सले ग्याल्भाल्यूम रं‌गीन जस्तापाता, जगदम्बा सुपरसाइन र जगदम्बा गाल्भा प्लसका लागि नयाँ अभियान ‘फेब्रिकेटर्स रिवार्ड योजना’ सार्वजनिक गरेको छ ।

यस अभियान मार्फत जगदम्बा स्टिल्सले आफ्नो ग्याल्भालुम रंगीन जस्तापातालाई परियोजनाहरूमा प्रयोग गर्ने महासंघका सदस्य फ्याब्रिकेटरहरूलाई रिवार्ड प्रदान गर्दै दुर्घटना बीमाका माध्यमबाट उनीहरुको विकासमा सहयोग र सुरक्षा प्रदान गर्ने लक्ष्य राखेको जनाएको छ ।

कम्पनीका अनुसार फ्याब्रिकेटर्स रिवार्ड योजना फ्याब्रिकेटर्सहरुलाई प्रोत्साहन गर्न र लाभ प्रदान गर्न तयार गरिएको योजना हो ।

यस योजना अन्तर्गत जगदम्बा सुपरसाइन वा जगदम्बा गाल्भा प्लस् प्रति वर्ष ५ देखि १० टन किन्ने फ्याब्रिकेटर्सले प्रतिकिलोग्राम १ रुपैयाँ र प्रति वर्ष १० टन भन्दा बढी किन्नेले प्रतिकिलोग्राम १।५० रुपैयाँ प्राप्त गर्नेछन् ।

जसमा ५ लाख बराबरको एक वर्षको दुर्घटना बीमा पनि समावेश गरिनेछ ।